ჯულიანა ბარგნარის და ოთო ფოლადაშვილის წყვილი მთელმა საქართველომ პროექტიდან "ცეკვავენ ვარსკვლავები" გაიცნო. დროთა განმავლობაში ისინი ერთმანეთის ცხოვრების ისეთივე განუყრელი ნაწილი გახდნენ, როგორც ცეკვაა.

მათ ხშირად შენიშნავთ ერთად ამა თუ იმ წვეულებაზე, თუ უბრალოდ მეგობრულ გარემოში. სწორედ აქედან გაჩნდა ჭორები მათი სასიყვარულო ურთიერთობის შესახებ.

ისინი დასასვენებლადაც ერთად დადიან და საერთო ბიზნესიც წამოიწყეს - საკუთარი საცეკვაო სტუდია გახსნეს.

. საცეკვაო სტუდიას სახელიც შესაფერისი შეურჩიეს – OTo&Juliana PrOJect. პირად ცხოვრებაზე არც ერთი ხმამაღლა არ საუბრობს, თუმცა ფოტოებით, გულშემატკივრებისა და მეგობრების კომენტარებიდან ნათელია, რომ ისინი ერთად არიან.

რამდენიმე თვის წინ ოთომ ჯულიანას დაბადების დღე საჯაროდ მიულოცა. მშვენიერ მოცეკვავეს ეს სიტყვები მიუძღვნა: "ჩემი უსაყვარლესი გოგოს დღეა! გილოცავ, მიხარია, რომ ჩემს ცხოვრებაში ხარ და აუცილებლად სულ ბედნიერი უნდა იყო“.

"რეიტინგი" ამ ამბის გადამოწმებას ოთო ფოლადაშვილთან შეეცადა, თუმცა, მას ტელეფონი გამორთული აქვს.