ჭორები ქეთა თოფურიასა და რეპერ გუფის შესახებ 2017 წელს გავრცელდა. წყვილი თავიანთ რომანზე საუბარს აქამდე თავს არიდებდა და გრძნობებს დიდხანს მალავდა, თუმცა, როგორც ჩანს, საიდუმლო შეხვედრები მობეზრდათ.

რამდენიმე თვის წინ, გუფიმ სოციალურ ქსელში გამოაქვეყნა პიკანტური ფოტო, რომელიც მან და ქეთამ დასვენების დროს გადაიღეს. მანამდე იყო ფოტოპაზლი, ამ ყველაფერს კი მოჰყვა წყვილის რომანტიკული კომენტარები ერთმანეთის ფოტოებზე.

ცოტა ხნის წინ კი, გუფიმ ერთ-ერთ ინტერვიუში განაცხადა, რომ ქეთა და ის ორი წელია ერთად არიან.


რამდენიმე საათის წინ, რეპერმა ინსტაგრამზე ასაკოვან ქალბატონთან ერთად გადაღებული ფოტო გამოაქვეყნა. ქალბატონს ფოტოზე ვარდისფერი შლიაპა ახურავს და გაზეთს კითხულობს. "ოცნების რექვიემი", - წერს გუფი ფოტოს აღწერაში.

ბუნებრივია, საყვარელი მამაკაცის პოსტი ქეთას შეუმჩნეველი არ დარჩა: "ვეჭვიანობ", - დაუწერა გუფის მან კომენტარში.