თბილისის მოდის კვირეულის დამფუძნებელი, მოდელი თაკო ჩხეიძე საქართველოში ულამაზეს ქალბატონად ითვლება. მისმა სილამაზემ ხალხი ჯერ კიდევ მაშინ აალაპარაკა, როდესაც თინეიჯერმა თაკომ, საკუთარი ძალები პოდიუმზე მოსინჯა. მართალია, მაშინ საზოგადოებასთან ურთიერთობის მცირე საშუალებები არსებობდა, მაგრამ დახვეწილი და უმშვენიერესი გარეგნობის მქონე მოდელი, მთელმა საქართველომ გაიცნო.

თაკომ ოჯახი თინეიჯერობის დროს შექმნა. გრანდიოზული ქორწილი გადაიხადა, ოჯახის შექმნის მიუხედავად, მას მოდელობაზე უარი არ უთქვამს და ახერხებდა ერთდროულად ოჯახისთვისაც მიეხედა და კარიერისთვისაც.

აშკარაა, რომ მას ეს ყველაფერი წარმატებით გამოუვიდა. ის დღემდე არ კარგავს აქტუალობას და ახლა საკუთარ გამოცდილებას დამწყებ მოდელებს უზიარებს.

თაკოს წარმატებაში დიდი წვლილი მიუძღვის მის მეუღლეს. თაკო ქმართან ერთად ინტერვიუებს არ იძლევა. მისი მეუღლე დიპლომატი რუსლან აბაშიძეა. წყვილს აბაშიძის დიპლომატიური საქმიანობის გამო, სხვადასხვა ქვეყანაში უწევდა ცხოვრება.
მათ ჰყავთ სამი ვაჟი, რომლებსაც თაკო მაქსიმალურ ყურადღებას უთმობს. წყვილი შვილებთან ერთად ხშირად მოგზაურობს. მათ ულამაზესი ოჯახი აქვთ.