მარინა ბერიძე სოციალურ ქსელში პოსტს აქვეყნებს და ლიზა კალანდაძეს დიდ მომავალს უწინასწარმეტყველებს. ლიზა კალანდაძე პროექტის „ჩვენ ვარსკვლავები ვართ“ მონაწილეა.

„მე მომწონს ლიზა კალანდაძე! მას დიდი მომავალი აქვს! უნდა გაიმარჯვოს და პრიზი უცხოეთში სწავლა! მე ამერიკას გირჩევთ, თვალი რუსთავი 2-ზე დავადგი, არ მეშლება, ლიზა Bravo!“- დაწერა მარინა ბერიძემ.

ბერიძის პოსტს, „რუსთავი 2“-ის გენერალური დირექტორი ნიკა გვარამია გამოეხმაურა.

ნიკა გვარამია: ლიზა კალანდაძე ვინაა?

მარინა ბერიძე: ჩვენთან რომ იყო იქს ფაქტორში. შენ რომ მოგწონდა. ბავშვების ჯგუფში. ასე ვპოულობთ რუსთავი 2 ნიჭიერ ადამიანებს.

თეა თუაშვილი: მეც მახსოვს ეს გოგო „იქს ფაქტორიდან“, გამორჩეული გოგოა.

მარინა ბერიძე: ძალიან გთხოვთ აქ არ დამაწყებინოთ გარჩევა, რატომ და რისთვის მომწონს. გარკვევით ვთქვი რომ მე მომწონს . ამას იშვიათად ვამბობ.

შეგახსენებთ, პროექტს „ჩვენ ვარსკვლავები ვართ“ „იმედზე“ ის გუნდი აკეთებს, რომელიც „რუსთავი 2“-ზე ყველაზე რეიტინგულ შოუებს ქმნიდა. დემნა ჯაფარიძემ და გიორგი ხაბურზანიამ "რუსთავი 2"-დან "იმედზე" ზაფხულში გადაინაცვლეს.