ბუბა კიკაბიძე ვერაზე, სამსართულიან სახლში ცხოვრობს. მისაღებ ოთახში შესვლისთანვე მიხვდებით, რომ სახლში ვარსკვლავი ცხოვრობს. ირგვლივ "ორერას" აფიშებია, ანსამბლისა, რომელშიც ბატონი ვახტანგი მღეროდა და უკრავდა. კედლებს ამშვენებს ასევე წინაპართა ფოტოები, ბატონი ვახტანგი ხომ ბაგრატიონთა შთამომავალია. ამ ყველაფერს გემოვნებით ეხამება ულამაზესი ანტიკვარული ავეჯი.
თვალში საცემია ასევე მშვენიერი გალერეა, რომელშიც გაერთიანებულია მრავალი საინტერესო ფერწერული ტილო, რაც იმაზე მიუთითებს, რომ ჩვენს მასპინძელს მშვენიერი გემოვნება აქვს. ანტიკვარული ავეჯი კი ბატონ
