ის არასოდეს ჩნდება პრესისა თუ ტელევიზიის წინაშე, მაგრამ ყველგანაა, რადგან მისი მექალთანეობის შესახებ მთელი საქართველო ლაპარაკობს. ქალები, რომლებიც მის გვერდით ჩნდებიან, ან უკვე ძალიან პოპულარულები
ქართველი ბიზნესმენის სასიყვარულო ამბავი წლების წინ დაიწყო. მისი პირველი ცოლი გახლდათ თეო ფერაძე, რომელმაც წლების განმავლობაში შენარჩუნებული დუმილი ახლახან დაარღვია და პრესასა თუ ტელევიზიაში გულახდილად იხსენებს იმ წლებს, როდესაც უგულავასთან ერთად ცხოვრობდა.
ჯერ კიდევ ერთად იყვნენ, როდესაც უგულავამ ჯაზკლუბში მსახიობი ეკა ნიჟარაძე გაიცნო. მაშინ თეო მეორე შვილს ელოდებოდა, მაგრამ წარმოდგენა არ ჰქონდა, რა ხდებოდა მის ზურგს უკან. ბავშვი ერთი თვის იყო, როცა უგულავას პირველმა ცოლმა ქმრის ახალი ურ-თიერთობის შესახებ გაიგო და ოჯახი დაინგრა.
შესარიგებლად მამაკაცმა ყველაფერი გააკეთა და ცოლ-ქმარი ცალკე გადავიდა საცხოვრებლად. იმ პერიოდში ეკა ნიჟარაძე უგულავასგან უკვე ბავშვს ელოდებოდა, მაგრამ თეოს ეს ამბავი ყველამ დაუმალა.
ოჯახი მაინც დაინგრა, ბიზნესმენის ცხოვრებაში კი ახალი ლამაზმანი გამოჩნდა ბაია დავითაიას სახით. ბაიასა და ეკასთან შეძენილი შვილების თაობაზე პირველმა ცოლმა ერთდროულად შეიტყო, რასაც ერთწლიანი დეპრესია და მძიმე პერიოდი მოჰყვა.
უგულავას მეორე ოფიციალური ცოლი ბაია დავითაია გახდა. ერთად რამდენიმე წელი იცხოვრეს და ერთი ვაჟი შეეძინათ. ბავშვი აუტისტია და მისი ჯანმრთელობის მდგომარეობის გამო წლებია, ბაია შვილთან ერთად ამერიკაში ცხოვრობს.
მართალია, ისინი დღემდე ოფიციალურ ქორწინებაში იმყოფებიან და გაყრის პროცესი ცოტა გაიწელა, მაგრამ უგულავამ კიდევ მოასწრო ეკას გარდა რამდენიმე ცნობილ სახესთან რომანის გაბმა, რამაც მისი მეორე ქორწინება შეიწირა.
დიზაინერ იკა ბობოხიძესთან სასიყვარულო ურთიერთობის შესახებ რამდენიმე წლის წინ მთელი თბილისი ლაპარაკობდა. ამბობდნენ, რომ იკა თავის დროზე ბაიასთან მეგობრობდა, ეს დავითაიამ არ დაადასტურა, თუმცა ფაქტია, ბევრი საერთო ნაცნობი და მეგობარი ჰყავთ.
უგულავას ცხოვრებაში შემდეგ კიდევ იყო რამდენიმე ქალბატონი, რომელთა შესახებაც მხოლოდ თბილისურ ბომონდში ჭორაობდნენ, მაგრამ დაახლოებით ერთი წლის წინ გავრცელდა ხმა, რომ ბიზნესმენი კიდევ ერთ ცნობილ სახეზე აპირებდა დაქორწინებას, თუმცა გადაიფიქრა.
მაშინ ამბობდნენ, რომ ბაია დავითაიასთან განქორწინების პროცესი იმიტომ წამოიწყო, რომ სხვა ქალი მოეყვანა ცოლად. განქორწინების პროცესი დღემდე გრძელდება და საკმაოდ გაიწელა. მიზეზი კი, როგორც ამბობენ, ქონებრივი დავაა, რომელიც წყვილს შორის მიმდინარეობს.
საერთოდ ცნობილია, რომ მამაკაცები ქალებზე ნადირობენ, უგულავას შემთხვევაში კი პირიქითაა, მასზე უამრავი ქალი ნადირობს, რადგან, როგორც ზევით აღვნიშნეთ, ყოფილ ქალბატონებს ფინანსურად უზრუნველყოფილს ტოვებს.
მასზე სოციალურ ქსელში უკვე ხუმრობებიც ვრცელდება. ერთი კვირის წინ, „ფეისბუქზე“ წერდნენ: „გოგონებო, დღეს „რუმსში“ არ წახვიდეთ, უგულავა ქალაქიდანაა გასული“ . ამბობენ, რომ რამდენიმე ადგილს, სადაც უგულავა ხშირად დადის, ახალგაზრდა გოგონები სპეციალურად სტუმრობენ მის გასაცნობად და მოსახიბლად, თუმცა, ჩვენი წყაროს ინფორმაციით, ამას აზრი აღარ აქვს, რადგან ყველას 19 წლის მოდელმა ნინი ნებიერიძემ აჯობა.
მისი თქმით, ნინის იმედი აქვს, რომ უგულავა ცოლად მოიყვანს, თუმცა იმასაც ამბობენ, რომ შეიძლება, ეს ბიზნესმენისთვის მორიგი სასიყვარულო ისტორია იყოს.
ნინი წარსულში მომღერლისა და მოდელის, ნათია ნებიერიძის დაა. თავად ძირითადად პოდიუმზე ჩნდებოდა, მაგრამ რამდენიმე ხნის წინ „ცეკვავენ ვარსკვლავებში“ მონაწილეობდა. სხვა ვარსკვლავებისგან განსხვავებით, ნინი ერთადერთია, რომელმაც ჟურნალისტებთან ურთიერთობაზე უარი განაცხადა. ფინალში არ გასულა, მაგრამ თავი ყველას დაამახსოვრა. მოგვიანებით მისი საკმაოდ თამამი ვიდეოც გავრცელდა, სადაც წელს ზევით შიშვლდებოდა, თუმცა ჟურნალისტებთან კომენტარი კვლავ არ გააკეთა.
სავარაუდოდ, მოდელი ინტერვიუებს პირადი ცხოვრების გამო არიდებს თავს. უბრალოდ, არ სურს, რომ კითხვები თემურ უგულავას შესახებ დაუსვან. ამაში კიდევ ერთხელ დავრწმუნდით, როდესაც გადავწყვიტეთ, მისგან ამ თემაზე კომენტარი მოგვეპოვებინა. ნინის ჯერ სოციალური ქსელის საშუალებით შევეხმიანეთ.
კითხვები: თუ აქვს სასიყვარულო ურთიერთობა უგულავასთან და აპირებს თუ არა მასზე დაქორწინებას ბიზნესმენი მეორე ცოლთან დაშორების შემდეგ, წაიკითხა, მაგრამ უპასუხოდ დატოვა.
მეორე დღეს პირად ნომერზეც დავურეკეთ და როდესაც არ გვიპასუხა, იგივე კითხვა მესიჯის სახით მივწერეთ, მაგრამ ნებიერიძე არც ამჯერად გამოგვეხმაურა.
პ.ს. ნინი ნებიერიძის პირველი ფოტო, რომელიც მასალაშია გამოყენებული
გადაღებულია ფოტოგრაფ დავით ჭალიძის მიერ.
ქეთი მელაძე
ჟურნალი „რეიტინგი“
