მაია კაჭკაჭიშვილი:
- საბოლოოდ, 80% ბღავის და არ მღერის. ჟიურის წევრები კი ეუბნებიან, ოჰ, რა ხმა გაქვსო. არადა, ძალიან ყვირიან, ეს სიმღერა არ არის. მით უმეტეს, ასრულებენ ქავერებს, რომლის შესრულებაც ბევრად ადვილია, უკვე არსებობს დედანი, რომლის მიხედვითაც შეგიძლია იმღერო. ჩემი ყურისთვის ასეთი უკულტურო, დაუყენებელი ბგერების მოსმენა შეუძლებელია.
- ეს არა მხოლოდ''X ფაქტორს'', არამედ სხვა მუსიკალურ კონკურსებსაც უკავშირდება?
- რა თქმა უნდა. სანამ მომღერალი თავის სტილს მიაგნებს, ყვირილი ჰგონია სიმღერა. ჩვენთან ყველა კონკურსში უმეტესობა ყვირის. სხვაგან არა, რუსულ მუსიკალურ კონკურსებშიც კი არ ბღა-ვიან ასე. ეს იმით არის განპირობებული, რომ ჩვენთან არ არის სკოლა, რომელიც სწორად სიმღერას ასწავლის. არსებობს რამდენიმე გამორჩეული ადამიანი, რო-მელსაც ღვთისგან აქვს მომადლებული ეს ნიჭი, დანარჩენებს, საშუალოდ ნიჭიერებს, აუცილებლად სჭირდებათ ვოკალის პედაგოგები. შესაძლოა, როკის შესრულებისას ბღავილი მისაღებია, მაგრამ არა ყველა მიმდინარეობაში და ეს რომ ასწავლონ, ასეთი ვოკალის პედაგოგე-ბი საქართველოში არ მეგულება, იქნებ, თქვენ იცით და მეც მითხრათ?!.
- ალეკო ბერძენიშვილი გიორგი გაბუნიამ გამოუშვა პროექტიდან. თავად არ სურს კომენტარი. ბევრ სხვა ცნობილ სახესაც დაატოვებინეს პროექტი.
- ყველა ცნობილ სახეს მოვუხდი ბოდიშს, მაგრამ ალეკო ბერძენიშვილს სხვა კლასი აქვს. ამ ყველა ცნობილში მას არ გავრევ. ჯერ ერთი, ის ნაკლებად ცნობილია, ვიდრე დანარჩენი სახეები. წლების წინ მონაწილეობდა''ვარსკვლავების აკადემიაში'', როცა ჩამოინგრა შენობა და პროექტი ვერ შედგა. ახლა გამოვიდა''X ფაქტორში''. მინდა ამიხსნან, რას ნიშნავს განმარტება, რომ მენტორს გარანტიას რისკი ურჩევნია. ალეკო, ფაქტობრივად, გიორგი გაბუნიამ და ბევრმა მაყურებელმა ახლა აღმოაჩინა, ის სტუდიაში მუშაობს. თავად ალეკო ძალიან ცოტაჯერ ჰყავს ნანახი მაყურებელს, სხვა ცნობილი კონკურსანტებისგან განსხვავებით.
- გიორგისთან დაკავშირებით დაწერე, რომ მელომანობა მუსიკოსობას არ ნიშნავს და მხოლოდ მუსიკოსები ხომ არ სხედან სხვა ქვეყნების ჟიურიში?
- კი ბატონო, მაგრამ არიან ადამიანები, რომლებსაც ამ საქმესთან აქვთ შეხება, მაგალითად, პროდიუსერები. სამსახურე-ბრივი შეხება უნდა ჰქონდეთ მუსიკასთან და არ იყვნენ ჩვეულებრივი მელომანები. გიორგი გაბუნიას პირადად არ ვიცნობ, ძალიან მესიმპათიურებოდა და ახლაც მესიმპათიურება, როგორც ჟურნალისტი. დარწმუნებული ვარ, გემოვნებიანია მუსიკაში, მაგრამ როცა ეხები ასეთ საქმეს და ალეკო ბერძენიშვილი გყავს გუნდში, აქ უნდა იგრძნობოდეს, რომ მენტორმა დაინახა მისი შესაძლებლობები, თუმცა როცა არ ხარ მუსიკოსი, ამას ვერ იგრძნობ. მგონი, სოფო ნიჟარაძემ უთხრა ალეკოს, მერიდება შენი შეფასებაო, რადგან მასთან, როგორც მუსიკოსთან, ალეკოს ენერგეტიკა სწორად მივიდა.
- ანრი ჯოხაძემ დაწერა, რომ''X ფაქტორის'' შემდგომი კომენტარების კითხვისას აღმოაჩინა პროფესიო ნალი დილეტანტი მუსიკოსები, რომლე ბიც, რბილად გადმოვცემ მისთქვამს, ერთი ადგილიდან ორთქლს უშვებენ.
- გავეცანი ანრის სტატუსს და ყურადღება არ მიმიქცევია, რადგან დარწმუნებული ვარ, ანრი დილეტანტად არ მთვლის და ვერც ჩამთვლის. ამისი შანსი ნულია და ჩემს თავზე ამას ვერ მივიღებ, ვერც კი დავუშვებ. მე ჩემი აზრი გამოვთქვი. როგორც მივხვდი, გიორგი გაბუნიას უფრო მძიმე მუსიკა უყვარს და აქედან გამომდინარეობს მისი არჩევანიც, თუმცა პროფესიონალი უფრო ფართოდ იმუშავებდა და ყველა ჟანრის მუსიკოსს შეარჩევდა.
ანრი ჯოხაძე:
- ანრი, ვის გულისხმობდი ერთი ადგილიდან ორთქლის გამომშვებთა შორის?
- კონკრეტულად ვერ გეტყვით, სახელები და გვარები რომ ჩამოვთვალო, მათ რეკლამას გავუწევ. ყველას აქვს თავისი აზრი. რატომ ატყდა ამხელა აჟიოტაჟი და იმიტომ, რომ ნიჭიერი ადამიანები დარჩნენ ამ პროექტის მიღმა და მათი ქომაგები, არა მხოლოდ მეგობრები, არამედ მათი მსმენელებიც გამოეხმაურნენ. რატომ მიიღეს მენტორებმა ამგვარი გადაწყვეტილება, ვერ გეტყვით. მენტორები შეიძლება ბევრ რამეში არ დავეთანხმოთ ერთმანეთს, ასეთ დროს ყოველი ჩვენგანი დამოუკიდებლად იღებს გადაწყვეტილებას, მაგრამ ყველას თავისი გათვლა აქვს. მე ჩემი კოლეგების კომპეტენციაში ვერ ჩავერევი. თავადაც არ მომიწონეს ბავშვების კატეგორიაში რაღაც გადაწყვეტილებები, მაგრამ ეს არ ნიშნავს, რომ მათ პატივს არ ვცემ.
- მაია კაჭკაჭიშვილმა დაწერა, რომ გიორგი გაბუნია არ უნდა იჯდეს ჟიურიში.
- ძალიან გთხოვთ, სხვის მოსაზრებებზე კომენტარს ნუ გამაკეთებინებთ. ნახავს ხალხი, რომ გიორგიმ ძალიან ჭკვიანურად შეარჩია კონკურსანტები და მათი განვითარების გზებსაც ბევრზე უკეთესად აფასებს და ხედავს.
- მაინც არ მითხარი, ვის მიიჩნევ ორთქლის გამომშვებ დილეტანტ მუსიკოსებად?
- ეს მხოლოდ''X ფაქტორის'' გარშემო არ ხდება. ზოგადად, ჩვენს მუსიკალურ წრეს ახასიათებს პრო...დან ორთქლის გამოშვება სხვადასხვა თემაზე და იმიტომ არ წერენ, რომ ნამდვილი ქომაგები არიან. მერე ეს ყველაფერი არაჯანსაღ მსჯელობაში გადაიზრდება ხოლმე იმ ადამიანების მხრიდან, რომლებიც მუსიკასთან არაფერ შუაში არ არიან და ბაზრობას ემსგავსება, რაც ძალიან გამაღიზიანებელია. თუმცა, საბოლოოდ, გადაცემის რეიტინგს გამოხმაურებები ძალიან არგია და რაც უნდა იყოს, ორშაბათობით მაინც ყველა ზის და უყურებს''X ფაქტორს'' (იღიმის).
მთელი კვირის განმავლობაში არ წყდებოდა გამოხმაურებები ამ თემაზე. ლიზა ყენიამ, რომელიც მენტორმა სოფო ნიჟარაძემ გოგონების გუნდში არ დატოვა, გამოაქვეყნა ფოტო''X ფაქტორიდან'', რომელსაც მიაწერა, ისეთი სახე მაქვს, ვითომ ძალიან მაინტერესებს, რას მეტყვის ჟიურიო. მარიამ პავლიაშვილის მეუღლის საქციელი, როდესაც მან მარიამის გაშვებასთან დაკავშირებული გადაწყვეტილების შემდეგ ხმამაღლა და გამოთქმით აგინა დარბაზიდან მენტორს, სოციალურ ქსელებში ცხოველი გარჩევის საგანი გახდა. მოგვიანებით მარიამმა მეუღლეს მხარი დაუჭირა და დაწერა,''ჩემი ქმარია, თქვენი ხომ არა, თქვენ ხომ გყავთ უკეთესები და მიხედეთ''. ლიკა შუბითიძემ კი''კვირის პალიტრა ჯი''-სთან ინტერვიუში განაცხადა, რომ სოფო ნიჟარაძემ მისი მუსიკა ვერ აღიქვა.… ფაქტია, რომ შეჯიბრება ძალიან აზარტულია და წინ კიდევ ბევრი საინტერესო ეპიზოდი და გამოხმაურება გველის.
ნინო მურღულია
ჟურნალი ''რეიტინგი''
