თუმცა მოგეხსენებათ, თბილისში ძნელია რაიმეს დამალვა ადვოკატი მარიამ კუბლაშვილი საზოგადოებამ ''ცეკვავენ ვარსკვლავებიდან'' გაიცნო. გულწრფელმა გოგონამ მალე თავისი პირადი ცხოვრება გაასაჯაროვა. გულახდილობის წყალობით სხვადასხვა შოუდან ცნობილი გახდა მარიამის დანგრეული ოჯახისა და მისი ბრაზიანი ძმის შესახებ. ადვოკატი ჰყვებოდა, როგორ მიატოვა ქმარმა.

მანამდე ყველასათვის უცნობი მარიამი ''ცეკვავენ ვარსკვლავებში'' გამარჯვების შემდეგ არაერთი ჟურნალის გარეკანზე მოხვდა. მისი პირადით დაინტერესდნენ სატელევიზიო შოუებიც. ადვოკატიც ჰყვებოდა თავის წარსულზე, აწმყოსა და მომავალზე კი არაფერს ამბობდა.

თუმცა მოგეხსენებათ, თბილისში ძნელია რაიმეს დამალვა. შევიტყვეთ, რომ მარიამ კუბლაშვილსა და მსახიობ ლევან ხურციას მგზნებარე რომანი აქვთ. ამის შესახებ ინფორმაცია სანდო წყარომ მოგვაწოდა. წყვილს ერთმანეთი ამ ზაფხულს ერთ-ერთ წვეულებაზე გაუცნია, შემდეგ რამდენჯერმე საერთო მეგობრის ოჯახში შეხვედრიან ერთმანეთს, მსახიობს უაქტიურია და თავიდან ვითომ საქმიანი შეხვედრები ნელ-ნელა ფლირტში, შემდეგ კი სიყვარულში გადაიზარდა. მარიამსა და ლევანს ხშირად ხედავენ ერთად, თბილისის ერთ-ერთ კაფეში.



ლევან ხურციას საყვარელ ქალებზე მანამდეც ბევრი დაწერილა. დაკვირვებულ მკითხველს, ალბათ, ემახსოვრება, რომ ნესტან კირთაძის ქალიშვილმა, ანი რეხვიაშვილმა, ერთ-ერთ ჟურნალთან მიცემულ ინტერვიუში ლევანისა და თავისი სიყვარულის ამბავი გაამხილა. ქალაქში ჭორაობდნენ ლევანისა და მსახიობ მანანა აბრამიშვილის რომანზეც, თუმცა, როგორც ჩანს, ამჯერად საქმე სერიოზულადაა. წყაროს ინფორმაციით, მსახიობმა ადვოკატი თავისი ოჯახის წევრებს გააცნო. ისე, ლევანი, რომელიც თავადაც ძალიან სიმპათიური მამაკაცია და ქალების სასურველ ''საკბილოდ'' მიიჩნევა, აშკა
რად არ უჩივის გემოვნებას. ყველა ქალი, რომელიც მას დაუკავშირეს, შესაშური გარეგნობით გამოირჩევა.

მარიამისგან განსხვავებით, მსახიობი პრესის ჟურნალისტებს ინტერვიუებით არ ანებივრებს. როგორც გავიგეთ, ლევანი შეყვარებულ ქალსაც სთხოვს, ჟურნალისტებისგან თავი შორს დაიჭიროს, ამიტომაც დაიმალა ამდენ ხანს მათი სიყვარულის ამბავი. თუმცა, ერთ-ერთ ბოლოდროინდელ ინტერვიუში ქართველი სასურველი სასიძო აღიარებს, რომ შეყვარებულია.
რასაკვირველია, ამ ინფორმაციის გადამოწმება პირველწყაროებთან გადავწყვიტეთ და მარიამსა და ლევანს დავუკავშირდით.

მარიამ კუბლაშვილი:

- მარიამ, ჟურნალ ''რეიტინგიდან'' გაწუხებთ, რამდენიმე შეკითხვა მაქვს, თუ გაქვს დრო…...
- გისმენთ.…..
- ჩვენ შენი და ლევან ხურციას რომანის შესახებ გვინდა გკითხოთ.
- ვისი?
- მსახიობი ლევან ხურცია.
- ააა…... რომანი?
- ჰო, ჩვენ სანდო წყაროსგან გვაქვს ინფორმაცია, რომ ერთად ხართ.
- სანდო წყარო რას ნიშნავს?
- გვაქვს ინფორმაცია იმ ადამიანისგან, რომელმაც ზუსტად იცის ხსენებული ამბის თუ ფაქტის შესახებ.
- დაუჯერეთ მაშინ სანდო წყაროს, მე რატომ მირეკავთ?
- რამდენჯერმე ერთადაც გნახეს მარტონი კაფეში…...
- რა მოხდა მერე, ლევანთან ვმეგობრობ, დასამალი არაფერი გვაქვს.

ლევან ხურცია:

- ლევან, ჟურნალ ''რეიტინგიდან'' გაწუხებთ, ორი კითხვა მაქვს, თუ გაქვთ დრო.
- მაპატიეთ, სტუდიაში ვარ.
- ეს თქვენს პირადს ეხება, მგონი უკეთესია, გვიპასუხოთ.
- გისმენთ.
- ამბობენ, რომ თქვენ და მარიამ კუბლაშვილს რომანი გაქვთ.…
- უიმე დედა, კიდევ დაიწყეთ ახალი ჭორები?..
- რამდენჯერმე გნახეს ერთად.
- აღარ ვაპირებ ამ თემაზე ლაპარაკს, სისულელეა.

ევა ბურდული
ჟურნალი ''რეიტინგი''

ასევე იხილეთ