მას შემდეგ ყოფილი ბალერინა
ადრე ამბობდნენ, რომ ლიკა გათხოვილი იყო, რასაც თავად არ ადასტურებს.
''ცეკვავენ ვარსკვლავების'' მიმდინარეობისას და შემდეგაც, მაყურებელს ძალიან უნდოდა, ლიკა და სამორი რეალურ ცხოვრებაშიც დაწყვილებულიყვნენ და ყველა მათ რომანზე ჭორაობდა, თუმცა ამას თავად ხუმრობით ხვდებოდნენ და არასდროს დაუდასტურებიათ, რომ სასიყვარულო ურთიერთობა ჰქონდათ.
მოგვიანებით ისიც გაირკვა, რომ სამორი სხვა ცნობილ გოგონასთან ურთიერთობდა - მომღერალ სალომე კორკოტაშვილთან, რომელმაც ამის შესახებ ''ნანუკას შოუში'' ისაუბრა, არცთუ დიდი ენთუზიაზმით, სამორის კი საერთოდ არ გაუკეთებია კომენტარი.
ასე რომ, ლიკასა და სამორის სასიყვარულო ამბავი გამოირიცხა. თანაც, ამ ჭორებს წერტილი ლიკამ თავადაც დაუსვა, როდესაც ''ცეკვავენ ვარსკვლავებში'' მიღებული პრიზით ეგვიპტეში დედასთან ერთად გაემგზავრა.
ლიკა თბილისში ერთ-ერთი ცნობილი და სიმპათიური გოგონაა, ეს კი მის გარშემო ჭორების კორიანტელს აყენებს. თუმცა ამჯერად ჟურნალისტები არაფერ შუაში ვართ. ლიკამ თავად აალაპარაკა თბილისი, როდესაც ჟურნალ ''რეიტინგის'' ერთ-ერთ ამასწინანდელ ნომერში თავისი პირადი ცხოვრების სიახლე გაგვაცნო. კერძოდ, გამოტყდა, რომ თავის ძველ მეგობართან რომანი აქვს.
''პატარა სიახლე მაქვს. გვერდით მყავს ადამიანი, რომელთანაც თავს კარგად ვგრძნობ, თუმცა ამას ჯერ სიყვარულს ვერ დავარქმევ. ოთხი წელია ერთმანეთს ვიცნობთ, ვმეგობრობდით, მაგრამ ურთიერთობა ახლა სხვა ფაზაში გადაიზარდა.
მის ვინაობას ჯერჯერობით არ გავამხელ, ტელევიზიასთან არ აქვს შეხება, ისიც ძალიან დაკავებულია და როცა დროს ვპოულობთ, მაშინ ვნახულობთ ერთმანეთს'', - ამბობდა ლიკა ''რეიტინგთან'' ინტერვიუში. ჩვენ, რასაკვირელია, ყვითელი პრესის კანონების შესაბამისად, მისი რჩეულის ვინაობით დავინტერესდით და გავარკვიეთ კიდეც.
როგორც ამბობენ, ლიკა ლაბაძე ცნობილი ქალების გულთამპყრობელმა გენო მალაზონიამ მოხიბლა. გენო მალაზონია ერთ დროს ''ბამბა რუმსის'' მფლობელი გახლდათ, ასევე ''ენერჯი ინვესტის'' გენერალური დირექტორი.
ის 2010 წლის 20 მაისს დააკავეს და პროკურატურა გადასახადების დამალვასა და უკანონო სამეწარმეო საქმიანობაში, ასევე ხელმძღვანელობის უფლებამოსილების ბოროტად გამოყენებაში სდებდა ბრალს.
''ენერჯი ინვესტამდე'' რვა წელი მალაზონია საბანკო ბიზნესში მუშაობდა, შემდეგ ხუთი წელი საქართველოს მთავრობაში, მაღალ თანამდებობებზე იმსახურა. მათ შორის იყო საბაჟო დეპარტამენტის უფროსის მოადგილე შევარდნაძის დროს, საქართველოს ეკონომიკის, ინდუსტრიისა და ვაჭრობის მინისტრის მრჩეველი და შემდეგ მოადგილე 2001-2003 წლებში, განათლების, ეკონიმიკისა და ფინანსთა მინისტრების მოადგილე 2003-2004 წლებში, სახელმწიფო მინისტრის კადრების უფროსი 2004 წელს.
გენო მალაზონიას გახმაურებული დაკავების საქმის დასასრული ის გახლდათ, რომ მალაზონიამ რამდენიმე თვე პატიმრობაში გაატარა, რის შემდეგაც საქართველოში ცხოვრების სურვილი, როგორც ჩანს, აღარ ჰქონდა და ლონდონში გადავიდა საცხოვრებლად.
გენო მალაზონია ყვითელი პრესის ყურადღების ცენტრში არაერთხელ მოხვედრილა.
ის თბილისში სასურველ სასიძოდ მიიჩნეოდა და ვინაიდან საკუთარ კლუბს ფლობდა, არც გართობას იკლებდა. სხვადასხვა დროს ჭორაობდნენ, რომ მას რომანი ჰქონდა არაერთ ცნობილ ქალბატონთან, მათ შორის ყველაზე აქტიურად თიკო სადუნიშვილი და შორენა ბეგაშვილი სახელდებოდნენ.
ერთ-ერთი ჭორის თანახმად, ბოლო დროს შორენა ბეგაშვილი მასთან რამდენიმე დღით ლონდონშიც იმყოფებოდა, თუმცა თავად შორენა ამ ჭორს აბსურდულს უწოდებდა და აღნიშნავდა, რომ მალაზონიასთან არანაირი ურთიერთობა არ აქვს.
რაც შეეხება ლიკასა და გენო მალაზონიას ურთიერთობას, როგორც ამბობენ, ის ახლახან დაიწყო. წყვილი უკვე ერთად ჩნდება სხვადასხვა ადგილას და სამეგობრო წრისთვის კარგად არის ცნობილი მათი ურთიერთობის შესახებ. რასაკვირველია, ინფორმაციის გადასამოწმებლად ლიკას დავურეკეთ.
- ლიკა, ჩვენთან ინტერვიუში ამბობდი, რომ მეგობართან გაქვს რომანი. ეს გენო მალაზონიაა?
- იცით, რა არის? თქვენთან გამოქვეყნებულ ინტერვიუს დიდი გამოხმაურება მოჰყვა, რამაც კიდევ ერთხელ დამარწმუნა, რომ ჩემი სტრატეგია, არ მელაპარაკა პირად ცხოვრებაზე, ამართლებდა, ამიტომ გადავწყვიტე, რომ პირადულზე არაფერს ვიტყვი.
- გენოს ამბავზე არაფერს გვეტყვით?
- არც დაგიდასტურებთ და არც უარვყოფ.
- გენოს იცნობთ?
- დიახ, ვიცნობთ ერთმანეთს.
ვეცადეთ, გენო მალაზონიასაც დავკავშირებოდით, მაგრამ მას ტელეფონი გათიშული ჰქონდა, ვინაიდან, ჩვენი ინფორმაციით, საზღვარგარეთ იმყოფება.
როგორც ამბობენ, გენო უკვე 40 წლისაა და ცოლის მოყვანაზე აქტიურად ფიქრობს, მაგრამ გარშემო იმდენი ლამაზი ქალი ახვევია, რომ ვერაფრით გააკეთა არჩევანი. მისი დახასიათებისას საახლობლო წრე რამდენიმე სიტყვით შემოიფარგლება - უცოლო, ფულიანი, ჭკვიანი და ქალების მოყვარული, დედისერთა და შესაბამისად, ცოტა ეგოისტიც, ამიტომაც ვერ იპოვა დღემდე ის ''ერთადერთი'', თუმცა შესაძლოა, ეს სწორედ ლიკა ლაბაძე აღმოჩნდეს.
ქეთი მელაძე
ჟურნალი ''რეიტინგი''
