სერიალ "ჩემი ცოლის დაქალების" ბოლო სერია მძიმედ გადასატანი აღმოჩნდა მაყურებლისთვის. მთავარი გმირი ნინა, რომლის როლსაც ანა ტყებუჩავა ასრულებს, მისი საქციელის გამო მაყურებლების დიდმა ნაწილმა გააკრიტიკა. გმირს ვერ აპატიეს, რომ 5 შვილის დედამ და ონკოპაციენტმა გადაწყვიტა, ოჯახი დაეტოვებინა და სამკურნალოდ უცხოეთში გამგზავრებულიყო.

ამისათვის კი მან მკურნალობის ისეთი მეთოდი აირჩია, როგორიცაა ლერწმით განკურნება, რაც ცხადია ონკოპაციენტებისთვის არარელურია.

სერიალიდან წამოსული არასწორი მესიჯები ბევრმა ონკოპაციენტმა გააკრიტიკა, თუმცა როგორც სცენარისტი ყოველთვის აღნიშნავს, ის სერიალში რეალობას გადმოსცემს.
ამ კუთხით კი საქართველოში რეალობა ძალიან მძიმეა. როდესაც ადამიანები გაყინული ლიმონითა და ჭარხლის წვენით ცდილობენ სიმსივნისგან განკურნებას და შედეგი ყოველთვის ფატალურია.

მსახიობი ანი ტყებუჩავა როგორც ჩანს მოსალოდნელ სკანდალს წინასწარ გრძნობდა და ამიტომ სოციალური ქსელის საშუალებით მიმართვა გაავრცელა:

"მე ძალიან ვნერვიულობ. იმედი მაქვს სწორად გაიგებს მაყურებელი იმ ამბებს, რაც მოხდება და იმედი მაქვს, ცოტა მაინც შევძელი იმ გზავნილის მიტანა, რაც მინდოდა". - წერს ანი.