სოციალურ ქსელში მარიამ გეგუჩაძისა და შოთა დიღმელაშვილის გაყალბებული მიმოწერა ვრცელდება, სადაც დიღმელაშვილი გეგუჩაძეს პარლამენტთან დროულად მისვლას და აგრესიული ხალხის მიყვანას სთხოვს, რაზეც გეგუჩაძე შემდეგნაირად პასუხობს: „მოვდივართ ჩვენები, ნაცებმა ხალხი მომცეს... ნანუკამაც მითხრა დღეს დაძაბეთო“.

ყალბ მიმოწერას სოციალურ ქსელში შოთა დიღმელაშვილმა და მარიამ გეგუჩაძემ უპასუხეს.

„ეს არის სასაცილო მე და შოთა დილის 9 საათიდან ერთად ვართ, ოცნების ოფისთან. შეგიძლიათ კადრებსაც უყუროთ.შემდეგ პარლამენტთანაც მოვედით ერთად.ძალიან უნიჭო მცდელობა“, - წერს მარიამ გეგუჩაძე სოციალურ ქსელში.

„ვრცელდება ვითომდა ჩემი მიმოწერა მარიამ გეგუჩაძესთან. ეს არის ყალბი სქრინი. ეგეთ გრამატიკულ შეცდომებს არ ვუშვებ, რედაქტორი ვარ, სირებო. #წერექართულად“, - წერს სოციალურ ქსელში შოთა დიღმელაშვილი.

ყალბ მიმოწერას სოციალურ ქსელში გამოეხმაურა ჟურნალისტი ნანუკა ჟორჟოლიანიც.

„უკეთესს ფეიქს აკეთებს ჩემი მეგობარი და რომ დაგჭირდებათ ასეთი სირობების გაკეთება მომწერეთ, დაგეხმარებით. პ.ს. უნდა ჩაგემატებინათ, ნანუკას ყოფილი ქმარი რო იყო ირაკლი კოდუა, იმანაც დამირეკა და მითხრა დაძაბეთო. უფრო ეფექტური იქნებოდა.

მარიამ,რადგან ასე გებრძვიან ესეიგი სწორად მიდიხარ და ეგრე გააგრძელე “, - წერს ნანუკა ჟორჟოლიანი.