ჩვენს საზოგადოებას ხომ მათთან ერთად მათი ფინანსური შესაძლებლობებიც აინტერესებს. „რეიტინგიც“ ჩაიჭყიტა მათ საფულეებში და ასე შეადგინა ცნობილი და მდიდარი ტელეწამყვანების ტოპ-ხუთეული.
1. მარიამ ვაშაძე „საზოგადოებრივი მაუწყებლის“ საინფორმაციო გამოშვების „მოამბეს“ წამყვანია. არ ვიცი, რატომ, მაგრამ პირველი ადგილი მარიამმა დაისაკუთრა. შეიძლება იმიტომ, რომ მისი მეუღლე ვანიკო ბენიძე წლების
კუდ-ის ყოფილი შეფის, დათა ახალაიას ცოლისძმა და ცნობილი ბიზნესმენის, როგორც პრესაში მოიხსენიებენ, ბენზინის მაგნატის, დავით ბენიძის შვილია. წლების განმავლობაში საფრანგეთში ცხოვრობდა და სწავლობდა. როგორც მარიამი ერთ-ერთ ინტერვიუში აღნიშნავს, ვანიკოსთან წლების განმავლობაში მეგობრობდა და თავადაც არ იცის, ეს ურთიერთობა სიყვარულში როგორ გადაიზარდა. მათი ურთიერთობა კი ქორწინებით დასრულდა.
2. ნინუცა ორჯონიკიძე „საზოგადოებრივი მაუწყებლის“ გადაცემა „ნაშუადღევის“ წამყვანია. ის რუსეთში ცნობილი მილიარდერის, მოსკოვის ყოფილი ვიცე-მერის სოსო ორჯონიკიძის რძალია.
სოსო ორჯონიკიძე კურირებდა და დაინტერესებული იყო სასტუმროების ქსელის მშენებლობითა და სათამაშო ბიზნესით. ის, რაც საქართველოში მისი ოჯახის სახელს ოფიციალურად უკავშირდება, ცნობილი, ერთ-ერთი ძვირადღირებული კომპლექსი King David-ია.
3. ნინო ნადირაძე კუზანოვას ოჯახი შეიძლება ამ სიაში შედარებით მოკრძალებულ კაპიტალს ფლობდეს, მაგრამ მათ სახელს უკავშირდება Kuzanov Clinic-ის ქსელი, რომელიც ესთეტიკურ მედიცინას ემსახურება.
რა კაპიტალის მფლობელია ოჯახი, ამის შესახებ პრესაში არასდროს მიუთითებიათ, თუმცა, ოჯახის წევრების ხელგაშლილი ცხოვრება მაღალი საზოგადოების ცხოვრების წესებს არ ღალატობს.
ოჯახური ბიზნესის გარდა, ნინო პროფესიით კარდიოლოგია და კლინიკა „ვივამედს“ ხელმძღვანელობს.
ნინო გადაცემა „პრაიმ შოუს“ წამყვანია.
4. „რუსთავი 2“-ის გადაცემის „შუა დღის“ წამყვანის, გვანცა დარასელიას მეუღლე ცნობილი მორაგბე და ბიზნესმენი ვახო მჭედლიძეა. მიუხედავად იმისა, რომ პოლიტიკაში ირაკლი კოდუასა და გიგი უგულავას მეგობრად ითვლებოდა, მოულოდნელად, საზოგადოებას ირაკლი ალასანიასთან „თავისუფალ დემოკრატებში“ მოევლინა.
რა ბიზნესს ფლობს ბატონი ვახო, პრესის წარმომადგენლებისთვის უცნობია. თუმცა, "თავისუფალი დემოკრატების“ ლიდერის, ირაკლი ალასანიას თავის დროზე გაკეთებული განცხადებით, შეიძლება ვივარაუდოთ, რომ იგი, როგორც ფინანსურ, ისე პოლიტიკურ ასპარეზზე სეროზული კაპიტალს ფლობდა.
5. არანაკლებ ყურადღებას იმსახურებს რუსთავი 2-ის საინფორმაციო გამოშვების წამყვანის, დიანა ჯოჯუას ფინანსები. გარდა იმისა, რომ თავად წამყვანს, როგორც ამბობენ საკმაოდ სოლიდური ანაზღაურება აქვს, მისი მეუღლეა ბიზნესმენი ნიკა რამიშვილი. ბატონი ნიკა 2013 წელს „არქიმედეს გლობალ ჯორჯიაში“ გენერალური დირექტორის პოსტს იკავებდა.
სანამ კერძო სექტორში გადავიდოდა, მანამდე სახელმწიფო სამსახურში, კერძოდ, სახელმწიფო მინისტრის მოადგილე იყო. როგორც პრესაში იუწყებიან, ამასობაში წყვილმა საკმაოდ სოლიდური კაპიტალი დააგროვა, რომელზე ინფორმაციაც ხელმისაწვდომი არ არის.
ქეთი თავაძე
