„დეილი მეილი“ წერს, რომ კუბლაშვილი ეცდება, არ შედგეს შეფერდის ექსტრადიცია დიდ ბრიტანეთში, თუმცა, მას ჯერ საქმის მასალები არ მიუღია.
გამოცემა აღნიშნავს, რომ კუბლაშვილს არაერთი ხმაურიანი საქმე აქვს აღებული - მათ შორის მაჩალიკაშვილის მკვლელობა, რომელიც „ისლამურ სახელმწიფოს“ უკავშირდება.
„კუბლაშვილს, რომელსაც საკუთარი საადვოკატო ფირმა აქვს, მამა 5 წლის ასაკში გარ
ძალიან ახალგაზრდა იყო, როდესაც პირველი ქმარი აშშ-ში გაიქცა და სხვა ქალთან ერთად დაიწყო ცხოვრება. ამის შემდეგ კუბლაშვილმა საადვოკატო კომპანია გახსნა და რამდენიმე სერიოზული საქმე მოიგო.
ის ახლა მსახიობ ლევან ხურციაზეა დაქორწინებული, წყვილს შვილიც ჰყავს“, - წერს „დეილი მეილი“.
ბრიტანელი სამართალდამცველები ამბობენ, რომ თუ საქართველო უარს იტყვის ინგლისის თხოვნაზე, მოახდინონ ბრალდებულის ექსტრადიცია, შეფერდი შეძლებს საქართველოში განუსაზღვრელი დროით დარჩეს. მათი შეფასებით, პროცესი პოლიტიკური იქნება, რადგან ბოლო 10 წლის განმავლობაში ბრიტანეთს საქართველოსთვის ექსტრადიციის თხოვნით არ მიუმართავს, „ახლა კი საქართველოს შეუძლია ყველას აჩვენოს, რომ ბრიტანეთის გვერდით დგას“.
შინაგან საქმეთა სამინისტრომ გაერთიანებული სამეფოს ძებნილი მოქალაქის დაკავების შესახებ ოფიციალური ინფორმაცია 23 იანვარს გაავრცელა. უწყების ცნობით, ის თბილისში დააკავეს. 1987 წელს დაბადებული ჯეკ შეფერდი ვაკე-საბურთალოს პოლიციის სამმართველოში 23 იანვარს ადვოკატებთან ერთად გამოცხადდა და საქართველოს პოლიციას ნებაყოფლობით ჩაბარდა.
„ქართველი და ბრიტანელი სამართალდამცველების თანამშრომლობით ჯ.ს.შ.-ზე საერთაშორისო არხებით ძებნა მიმდინარე წლის 12 იანვრიდან გამოცხადდა. 31 წლის ბრიტანელი ლონდონის ცენტრალური კრიმინალური სასამართლოს მიერ ცნობილი იქნა დამნაშავედ ერთი პირის გაუფრთხილებლობით სიცოცხლის მოსპობის გამო და 6 წლით თავისუფლების აღკვეთა მიესაჯა. შემთხვევა 2015 წლის 8 დეკემბერს მოხდა.
ამჟამად, დაკავებული პირის მიმართ მიმდინარეობს კანონით გათვალისწინებული წინასაექსტრადიციო პროცედურები“, - ნათქვამია შსს-ს განცხადებაში.
მომხდარ ფაქტს საქართველოში დიდი ბრიტანეთის საელჩოც გამოეხმაურა. განაგრძეთ კითხვა:
