ფეხბურთელები ყოველთვის გოგონების ყურადღების ცენტრში არიან, მით უმეტეს დიდია თაყვანისმცემელთა რიგები, როცა სპორტსმენს წარმატებული კარიერა აქვს.

ვინ არიან ქართველი ფეხბურთელების ცოლები, რას საქმიანობენ და როგორ ცხოვრობენ?

თითქოს ბუნების კანონია, რომ ფეხბურთელის მეორე ნახევარი აუცილებლად მოდელი უნდა იყოს და პირიქით. ცნობილი ფეხბურთელის, ლევან მჭედლიძის რჩეული, ხატია ხვადაგიანიც მოდელია. ხატიას მამა ეროვნულ ნაკრებში მუშაობდა. ლევანმა დაინახა თუ არა ხატია მამასთან ერთად, მოიხიბლა, მოგვიანებით, მოდელს ინტერნეტით დაუკავშირდა და შეხვედრა სთხოვა. ასე დაიწყო წყვილის ურთიერთობა და დღეს მათ უკვე ორი შვილი ჰყავთ.




ჯანო ანანიძის ცოლი მარიამ ფურელიანია. მარიამი ნინი ქარსელაძის საუკეთესო მეგობარია. ჯანო ანანიძესა და მარიამ ფურელიანს ერთი ქალიშვილი ჰყავთ. ისინი პატარა ნიაკოსთან ერთად მოსკოვში ცხოვრობენ.



ვაკო ყაზაიშვილისა და გვანცა ნიშნიანიძის მშობლები მეგობრები იყვნენ, ამიტომ ისინი ბავშვობიდან მეგობრობდნენ, მოგვიანებით, 17 წლის ასაკში კი ერთმანეთის მიმართ გრძნობები გაუჩნდათ. “შეყვარებულობის პერიოდი დიდხანს ვერ “გავქაჩეთ””, - ამბობს გვანცა ერთ-ერთ ინტერვიუში. წყვილი 19 წლის ასაკში დაქორწინდა, გვანცა მსახიობობაზე ოცნებობდა, თუმცა, ნაადრევი ქორწინების გამო, ოცნების ახდენა ვერ შეძლო.



ფეხბურთელ ბუბა დაუშვილის მეუღლე მოდელი ეკო დაუშვილია. ეკო ბუბაზე დაქორწინების შემდეგ აქტიურ სამოდელო კარიერას აღარ ეწევა. წყვილს ორი ქალიშვილი ჰყავთ. მათ აღზრდაში ძირითადად ეკოა ჩართული. ეკოს საკუთარი ბიზნესი აქვს და მეუღლეს ხელს ყველაფერში უწყობს.



ყველაზე სკანდალური ფეხბრთელის გურამ კაშიას მეუღლე თამთა გიგიშვილია. გიორგისა და თამთას ქალიშვილი ალექსანდრა ჰყავთ.  წყვილმა 22 წლის ასაკში იქორწინა და ისინი ახლა ჰოლანდიაში ცხოვრობენ.