კესარია უკვე დიდი ხანია შეყვარებულია. მოდელი საყვარელი მამაკაცის ვინაობას არ ამჟღავნებს, კესარიას შეყვარებული მუდმივად ანებივრებს სიურპრიზებით.
სულ ცოტა ხნის წინ, მას საყვარელმა მამაკაცმა სახლი უყიდა, სადაც წყვილი მალე საცხოვრებლად გადავა.
- კესარია, ცნობილი გახდა, რომ საყვარელმა მამაკაცმა სახლი გაჩუქათ, მართალია?
- ნამდვილად მაჩუქა სახლი, მეც მქონდა გეგმაში სახლის ყიდვა, ჩემი ბიჭი მიხვედრილი ადამიანია და მოულოდნელი სიურპრიზი მომიწყო.
საახალწლოდ გადმომცა სახლის გასაღები. რემონტი გვქონდა, ყველაფერი მისი გემოვნებით
ხომ ამბობენ, რემონტის გაკეთება საშინელი პროცესია და კონფლიქტის მიზეზიც ხდებაო, მე ეს არ მიგრძვნია. ჩემმა ბიჭმა მომიწყო სიყვარულის სახლი.
- დაქორწინებას გეგმავთ?
- დაქორწინებას არ ვგეგმავთ. ჩვენ ერთად თავს ბედნიერად და კარგად ვგრძნობთ. ამ სიყვარულს გასერიოზულება აღარ სჭირდება.
- რატომ მალავთ თქვენი საყვარელი ადამიანის ვინაობას?
- ხომ გაგიგიათ, სიყვარულსა მალვა უნდა? ამიტომაც ვმალავ მის ვინაობას.
- ამბობენ, რომ ხშირად განებივრებთ უძვირფასესი საჩუქრებით, მათ შორის ბრილიანტებით...
- არ ეშლება საჩუქრების გაკეთება. ხშირად მანებივრებს. მეც ვუკეთებ სიურპრიზებს და ასე ვცხოვრობთ. ზოგჯერ კონფლიქტებიც კი გვაქვს, მაგრამ იქ, სადაც დიდი სიყვარულია, კონფლიქტი სერიოზული არ ხდება.
