საქართველოს მესამე პრეზიდენტმა მიხეილ სააკაშვილმა დღეს დილით გაავრცელა ვიდეომიმართვა, სადაც ქართველი ხალხის გასაჭირზე ხმამაღლა იწუწუნა. თუმცა, მისი პოლიტიკური განცხადებები ჩვენი საქმე ნამდვილად არ არის. „რეიტინგის“ ყურადღება მიხეილ სააკაშვილის შეცვლილმა იმიჯმა მიიპყრო.

აშკარაა, რომ ყოფილმა პრეზიდენტმა იმიჯი შეიცვალა. კერძოდ, ის საგრძნობლად გამხდარია, თმა აქვს შეღებილი, მიღებული აქვს კარგი რუჯი და სახეზე ბოტოქსი აქვს გაკეთებული.

მიხეილ სააკაშვილმა წონაში ბოლო დროს საგრძნობლად მოიმატა და დიდი ღიპის, ჭაღარა თმისა და ჩაცმულობის გამო, არა ერთხელ გახდა დაცინვის ობიექტი.

მას საკუთარი გარემოცვა მუდმივად ურჩევდა წონაში 40 კილოგრამის დაკლებას და საკუთარ გარეგნობაზე ძველებურად ზრუნვას, თუმცა, როგორც ჩანს, სააკაშვილმა მეგობრების რჩევები ახლა გაითვალისწინა.

ცნობილია, რომ სააკაშვილის ქარიზმატულობა არა ერთ ადამიანს იზიდავდა და ეს მას თავის დროზე წარმატებაშიც დაეხმარა, შეინარჩუნებს თუ არა დაკლებულ წონასა და ახალგაზრდულ იერს ექს-პრეზიდენტი უცნობია, მაგრამ ფაქტია, რომ საბრძოლო განწყობა დაიბრუნა და ახლა საქართველოს პირდება აღმშენებლობას.