უკვე ორი კვირა გავიდა მას შემდეგ, რაც გადაცემა „პროფილი“ ეთერში აღარ გასულა. ყველაზე რეიტინგული თოქ-შოუს ოფიციალურ გვერდზე გავრცელებული ინფორმაციის თანახმად, აღნიშნული გადაწყვეტილების მიზეზი, გადაცემის ავტორისა და წამყვანის, მაია ასათიანის ჯანმრთელობის მდგომარეობა არის.

ამ განცხადებიდან რამდენიმე დღეში, მაყურებელს თავად მაია ასათიანმა მიმართა. მან გულშემატკივრებს მადლობა გადაუხადა და პირობა დადო, რომ ეთერში მალე დაბრუნდება.

მაია ასათიანის შესახებ, თბილისში ათასი ჭორ-მართალი გავრცელდა. ერთ-ერთი ვერსიით, გადაცემა „პროფილი“ ეთერში აღარ დაბრუნდება. არსებობს მეორე ვერსიაც, თითქოს ტელეწამყვანი კლინიკაში წევს.

ზუსტად ერთი წლის წინ, მაია ასათიანის ოჯახში დიდი ტრაგედია დატრიალდა. ტელეწამყვანის ერთადერთი ქალიშვილი ნუცა მახვილაძე გარდაიცვალა. ნიჭიერი გოგონას სიცოცხლე მენინგიტის მოულოდნელმა დიაგნოზმა გამოიწვია.


მაია ასათიანის ეთერში დაბრუნებას დიდი გამოხმაურება მოჰყვა. ის ყოველთვის ცდილობდა თავისი ტკივილი მაყურებლის წინაშე არ გამოეტანა.


„რეიტინგმა“ სცადა გაერკვია, სად არის რეალურად მაია ასათიანი და დაბრუნდება თუ არა „პროფილი“ ეთერში. ამიტომ ნიკა გვარამიას დავუკავშირდით.

- ბატონო ნიკა, გავრცელდა ინფორმაცია, რომ მაია ასათიანი ეთერში აღარ დაბრუნდება, მართალია?
- „პროფილი“ ეთერში ნამდვილად დაბრუნდება, თუმცა, როდის ჯერ დაზუსტებით ვერაფერს გეტყვით.