ქვეყნის უმნიშვნელოვანესი უწყების, განათლების სამინისტროს ხელმძღვანელს, ალექსანდრე ჯეჯელავას განათლების საკუთარი ხედვა აქვს, რის გამოც მისი „ფრთიანი“ ფრაზები და ხედვები საზოგადოების განსჯის საგანი ხდება. თუმცა მინისტრი საზოგადოების გაკვირვებას საკუთარი აზრებით დღემდე არ ერიდება, ის ბავშვებს და მშობლებს ახალ-ახალი იდეებით „ანებივრებს“.
გთავაზობთ ალექსანდრე ჯეჯელავას ფრთიან ფრაზებს და იდეებს:

1. ნებისმიერი მშობელი, რომელიც იტყვის, რომ "ჩემი შვილის ჯანმრთელობას მირჩევნია მისი წიგნის ფურცლის ჯანმრთელობა", ალბათ, მშობელი არ არის. მე გეტყვით, რომ ჩემს შვილებს ძალიან გაწიკწიკებული წიგნები მოუტანეს და ჩემს უმცროს შვილს სქოლიოზი დაემართა გაწიკწიკებული წიგნების წონისგან, მაგარი გაწიკწიკებული იყო, ოღონდ ვაშლი არ იყო იქ.

2. სოფლის სკოლები ქალაქის სკოლებისგან მაგრად არიან ჩამორჩენილი, ხოლო ეროვნული უმცირესობები კიდევ უფრო ჩამორჩენილი არიან

3. ”კომბლე მოძალადეა და ცუდი მეცხვარეა. ორი პრეტენზია მაქვს. ორი ცხვარი ჰყავს და მეცხვარეს რატომ უნდა ჰყავდეს ორი ცხვარი თუ დაფიქრდებით, მიხვდებით, იმიტომ არის ცუდი მეცხვარე, რომ ცხვრის მოვლით არ არის დაკავებული, კომბლის მთლელია”

4. "ბიოლოგიაში ვისწავლე, რომ თუ რაიმე იკბინება, ყველაფერი მდედრობითი სქესისაა."

5. „ ბრიუსელში ვიზიტის დროს იყო ერთ-ერთი სტარტაპი, რომელიც პორტატულ, კომპაქტურ ბოსტანს აკეთებს. ბოსტანი სართულებზეა განლაგებული. ჩვენ ძალიან დავინტერესდით და გვინდა, რომ სკოლებში ანალოგიურად პატარა ბოსტნები იყოს".

6. "თუ პედაგოგიკაში ძალიან მაღალი ხელფასები იქნება, იქ მივლენ ადამიანები, რომლებსაც არ უყვართ ბავშვები და ეს დიდი საფრთხეა“

7. ნაცარქექიას შეიძლება ნარკოტიკებისკენ მიდრეკილება ჰქონოდა.

8. ჯეჯელავა"რწყილსა და ჭიანჭველაზე":რატომ გადახტა საერთოდ ჭიანჭველა,როცა კვალიფიკაცია არ ჰქონდა?

9. „სასკოლო ექსკურსია მხოლოდ სანთლის ანთებით და ბარკლის გაჯიჯგვნით არ უნდა შემოიფარგლებოდეს“

10. ,,ჩვენი მიზანია, მაიმუნებმა ვერ ჩააბარონ ეროვნული გამოცდები“

11. ჩემი ოცნებაა სკოლის შესასვლელში ვაშლიანი თასი იდგას

12. GOOGLE არის გუგული მასწავლებელი