სოციალურ მედიაში გავრცელებული ინფორმაციის თანახმად "რუსთავი 2" გიორგი ხაბურზანიამ და დემნა ჯაფარიძემ დატოვა. დემნა და გიორგი არხზე მასშტაბურ პროექტებს წლების მანძილზე აკეთებდნენ, მაგრამ როგორც ჩანს, ფინანსური კრიზისის გამო, ახლა "იმედზე" მოუწევთ გადასვლა.

არხის თანამშრომლებს ორი თვეა ხელფასი არ აუღიათ. ინფორმაციის გადამოწმება "რეიტინგმა" პროდუსერებთან სცადა, თუმცა ისინი სატელეფონო ზარებს არ პასუხობენ.

აღსანიშნავია, რომ არხზე მიმდინარე რეორგანიზაცია პირველად სწორედ მათ მიერ შექმნილ ორ გადაცემას "იღბლიანი ბორბალი" და "ეკივოკი" შეექმნა.

შეგახსენებთ, რომ "რუსთავი 2"-ში განვითარებული მოვლენების გამო, ბოლო დროს არხი არაერთმა თანამშრომელმა დატოვა და ისინი სამუშაოდ "იმედზე" გადავიდნენ.

პირველად "რუსთავი 2"-დან "იმედზე" კოტე ბათმანიდი გადავიდა, რომელიც სარეკლამო სამსახურის ხელმძღვანელი გახლდათ.
კოტე ბათმანიდმა "რეიტინგთან" საუბარში ჯაფარიძის და ხაბურზანიას "იმედზე" გადასვლა არ დაადასტურა, თუმცა არც უარყო.