"ეროვნული კინოცენტრი მწუხარებას გამოთქვამს და უსამძიმრებს ერეკლე ბადურაშვილის ოჯახს. ქართველი რეჟისორი და სცენარის ავტორი 57 წლის ასაკში გარდაიცვალა. ერეკლე ბადურაშვილი, რომელიც არაერთი ფილმის ავტორია, ბოლო პერიოდში მის ახალ სრულმეტრაჟიან ფილმზე "ხიდი" მუშაობდა, რომელიც საქართველო-თურქეთის კოპროდუქციაა", - ვკითხულობთ კინოცენტრის განცხადებაში.
ერეკლე ბადურაშვილის გარდაცვალებას გამოეხმაურა მომღერალი ნინი ქარსელაძე, რომელიც რეჟისორის ნათლულია.
"ჩემი ნათლიები. გიო და ერეკლე.
ღმერთმა თავისთან წაიყვანა.... მეორე ნათლიაც აღარ მყავს.
Erekle
"რეიტინგი" ნინი ქარსელაძეს დაუკავშირდა. მან ჩვენთან საუბარში განაცხადა, რომ 57 წლის რეჟისორი თირკმლის უკმარისობით გარდაიცვალა.
როგორც გაიკრვა, რეჟისორს თირკმელი წარსულშიც აწუხებდა, თუმცა, მაშინ მოახერხა და გამოჯანმრთელდა.
ბადურაშვილის სხვა ახლობლებმა ჩვენთან საუბარში ასევე განაცხადეს, რომ ის კლინიკაში გუშინ ღამით მოათავსეს.
