მომღერალ ცისანა სეფიაშვილისთვის გასული წელი საკმაოდ სავსე იყო ემოციებით. ის ზაფხულში დაშორდა ქმარს, რომელთანაც მრავალწლიანი ქორწინება აკავშირებდა.
როგორც ცისანა ინტერვიუებში აცხადებს, მან ოჯახის გადასარჩენად ყველაფერი გააკეთა, თუმცა, ეს ვერ შეძლო.
კიდევ ერთი სიახლე, რომელიც სეფიაშვილების ოჯახში მოხდა, მისი ვაჟის დაქორწინება გახდა. დადა წერეთელმა დიზაინერ სესილი კემულარიაზე იქორწინა.
დადამ მომავალ საცოლეს ხელი რუსთაველის თეატრის სცენაზე სთხოვა.
ცისანას რძალთან კარგი ურთიერთობა აქვს, რაც გუშინ გადაცემა "პროფილშიც" გამოჩნდა. გადაცემის ერთ-ერთი სიუჟეტი რძალ-დედამთილის ურთიერთობას მიეძღვნა.
