- მარიამ, რა ასაკიდან აწუხებთ ქალებს ვენები?
- ამ ტიპის დაავადებებს ასაკი არ აქვს. ვენურ დაავადებებთან დაკავშირებული სიმპტომები შეიძლება ჰქონდეს როგორც 16 წლის, ასევე 80 წლის ადამიანსაც.
- მიზეზები შეიძლება
- ქრონიკული ვენური დაავადებების წარმოშობის ერთი დადგენილი მიზეზი არ არსებობს, რაც შეეხება სიმპტომებს, მათი დაწყების ან გამწვავების პროვოცირება შეიძლება მოახდინოს ყველა ზემოთჩამოთვლილმა ფაქტორმა.
- პირველი სიმპტომების შესახებ რომ გვითხრათ, სანამ ვენები ხილვადი გახდება, შეიძლება თუ არა, ჰქონდეს ადამიანს ვენების პრობლემა და ვიზუალურად არ ეტყობოდეს?
- ადამიანს შეიძლება ჰქონდეს სიმძიმე ქვემო კიდურებში, ე.წ. „მოუსვენარი ფეხების“ სინდრომი, ღამით წვივის კუნთების კრუნჩხვები, წვივების შეშუპება დღის ბოლოს და ამავე დროს კანქვეშა ვენური ქსელი არ იყოს გამოხატული.
- საუკეთესო პრევენცია რა შეიძლება იყოს ვენების პრობლემებისგან დასაცავად?
- თავისუფალი და არამოჭერილი ტანსაცმელი და ფეხაცმელი, ზომიერი ფიზიკური აქტივობა, სწორი კვება და წონის კონტროლი. დიდხანს ფეხზე დგომა ან ჯდომა მაქსიმალურად უნდა იქნას არიდებული.
- კაცები რამდენად არიან რისკის ქვეშ, თუ აქვთ ქალებისგან განსხვავებული სიმპტომები?
- მიუხედავად იმისა, რომ მიღებულია შეხედულება, რომ ქალებს უფრო ხშირად აღენიშნებათ ქრონიკული ვენური დაავადებები, მამაკაცებშიც საკმაოდ ხშირია და სიმპტომებს რაც შეეხება, განსხვავება პრაქტიკულად არ არის.
- ცნობილია, რომ ვენების მტერია დიდხანს ჯდომა, ჯდომითი სამუშაო, რაიმე ვარჯიშები თუ არსებობს, რომელიც შეიძლება მჯდომიარე მდგომარეობაში შევასრულოთ?
- ვენური დაავადებების დროს სიმპტომების მთავარი გამომწვევია ვენური სისხლის გადინების შეფერხება და შეგუბება. მჯდომარე მდგომარეობაში მაქსიმუმ შეიძლება ტერფების მოხრა-გაშლა, რათა ამუშავდეს წვივის კუნთები, რომლებიც უზრუნველყოფენ სისხლის გადინებას. თუმცა, უფრო ეფექტიანი იქნება, რომ პერიოდულად წამოდგეთ და გაიარ-გამოიაროთ, ცერებზე აიწიოთ და დადგეთ უკან, ფეხები შეძლებისდაგვარად შემაღლებულზე შემოაწყოთ.
- რა რჩევებს მისცემდით დამატებით პაციენტებს ვენების პრობლემებისგან დასაცავად, ასევე ფეხსაცმელი რამდენსანტიმეტრიანი ქუსლით უნდა ვატაროთ?
- საუკეთესო ვარიანტია თავისუფალი მრგვალცხვირიანი, ფიზიოლოგიურ კალაპოტიანი ფეხსაცმელი 4-6 სმ-მდე ქუსლით. ძალიან დაბალძირიანი ან 8 სმ-ზე მეტი სიმაღლის ქუსლი რეკომენდებული არ არის.
- ყველაზე მძიმე შედეგები, რომელსავ ვენების პრობლემები იწვევს.
- ქვემო კიდურების ვენების ქრონიკული დაავადებები რთულდება ვენების თრომბოზით, ვენური წყლულების განვითარებით, სისხლდენით, ინფექციით და ა.შ.
